Քրիստոսի հարության գլխավոր խորհրդանիշներից մեկը ներկված հավկիթն է: Ավանդության համաձայն` Մարիամ Մագթաղինացին ձու է մեկնել կայսր Տիբերիոսին` «Աստված հարություն առավ» խոսքով: Կայսրը կասկածամտությամբ է լսել այդ արտահայտությունն ու հայտարարել, թե ավելի շուտ այդ ձուն կարմիր գույն կներկվի, քան թե կկատարվի Մարիամի խոսքը: Այդ պահին ձուն ներկվել է կարմիր ու հենց այդտեղից է սկիզբ առել ձուն կարմիր ներկելու ավանդույթը: Շատերը նշում են, թե ճիշտը ձուն կարմիր գույնով ներկելն է, սակայն այժմ ընդունված է նաև տարբեր գույներով ներկելը:
Ներկայացնում ենք ձուն ներկելու հետաքրքիր տարբերակներ:
Տերևների նախշեր
Վերցրեք տերև, դրեք այն ձվի վրա, վերևից տեղադրեք այն մառլայի մեջ, ամրացրեք ծայրերը: Ավարտելուց հետո կստանաք հետևյալ պատկերը:
Մյուս տարբերակը ստանալու համար մեզ անհրաժեշտ է ժապավեն, սոսինձ, կպչուն ժապավեն:
Կտրեք ժապավենը կամ կպչուն ժապավենը փոքր մասերի, կտրեք տարբեր պատկերներ` թեմային համապատասխան: Կպցրեք այն ձվերին, ինչից հետո ներկեք այն որևէ գույնով: Թողեք այն սառչի, որից հետո հեռացրեք կպչում ժապավենը:
Հետաքրքիր տեսք են ունենում նաև այն ձվերը, որոնք ներկված են միաժամանակ երկու գույնով և տարբեր նախշերով:
Գծավոր ձու
Ներկելուց առաջ կարող եք ձուն փաթաթել նաև բարակ ժապավեններով, որը հանելուց հետո ձուն կստանա գծավոր տեսք:
Ձուն հետաքրքիր տեսք կունենա նաև, եթե այն ձևավորենք բրնձի օգնությամբ: Դրա համար անհրաժեշտ է թաց ձուն պատել բրնձով, այնուհետև փաթաթել «մառլայով» և երկու ծայրերից ամուր ծալել:
Եթե դուք չունեք ներկ, ձուն կարող եք զարդարել նաև մարկերի օգնությամբ:
Կարող եք նաև ձվի վրա կպցնել տարբեր նկարներ կամ էլ ջրաներկով պատկերներ ստանալ:
.gif)
