«Ժառանգություն» կուսակցության ղեկավար Րաֆֆի Հովհաննիսյանն այսօրվա մամլո ասուլիսում ասաց, որ ինքը ապրիլի 24-ին եղել է Ստամբուլում, մասնակցել է առաջադեմ թուրքերի, քրդերի՝ Հայոց ցեղասպանության 99-րդ տարելիցին նվիրված միջոցառումներին: «Հայոց ցեղասպանությունը ոչ միայն սպանություն էր, այլև՝ հայրենազրկություն»,- ասաց Հովհաննիսյանը:
Ինչ վերաբերում է Թուրքիայի վարչապետ Էրդողանի հայտարարությանը, ապա այն, ըստ Հովհաննիսյանի, նախադեպային էր, քանի որ ցավակցություն հայտնեց հայերին Էրդողանը, ինչը լավ ընդունվեց պոլսահայերի համար:
«Սրան կհետևեն այդ քայլեր` հույս ունեն պոլսահայերը, սակայն իմ կարծիքով՝ Էրդողանի այս հայտարարությունը Թուրքիայի ժխտողականության վերափաթեթավորված տեսակն է. ժխտողականությունն ուժի մեջ, քանի դեռ ցավակցություն բառն է հնչում:
Էրդողանի այս հայտարարությունը վնասների նվազեցում էր 100-ամյակի նախաշեմին: Թուրքիան ցանկանում է ցույց տալ, որ Թուրքիայում կա ինչ-որ փոփոխություն»,- եզրափակեց կուսակցության առաջնորդը:
.gif)
