Ինչպես արդեն տեղեկացրել էինք, Գեղարքունիքի մարզի Վարդենիս քաղաքի բնակիչները խուճապի մեջ են` կապված երեկ` հունիսի 29-ին, տեղի ունեցած արտակարգ դեպքի հետ:
Մարդիկ փակել են Վարդենիս մտնող ճանապարհը և պահանջում են, որ կառավարության անդամները գան և իրենց օգնություն ցուցաբերեն:
Ինչպես Վարդենիսից տեղեկացնում է Armlur.am-ի թղթակիցը, ոստիկանության աշխատակիցները փորձում են տուժած վարդենիսցիներին համոզել բացել ճանապարհը` ասելով, թե վարչապետը կմոտենա իրենց, սակայն մարդիկ մերժում են և կրկնում, որ իրենք տեղից չեն շարժվի և պատրաստ են անգամ այնտեղ գիշերել մինչև վարչապետ Հովիկ Աբրահամյանն անձամբ իրենց չտեսնի:
Armlur.am-ի թղթակիցը հայտնում է, որ հավաքված քաղաքացիների հետ հանդիպման են գնացել Գեղարքունիքի մարզպետարանի կողմից կազմված երկու հանձանաժողովների ներկայացուցիչները` նախագահների գլխավորությամբ:
Առաջին հանձնաժողովի նախագահը մարզպետարանի քաղաքաշինության վարչության պետ Դերենիկ Հովհաննիսյանն է, իսկ երկրորդինը` մարզպետարանի տարածքային կառավարման վարչության պետ Իվան Ասատրյանը:
Հավելելնք, որ հանձնաժողովի կազմում են գտնվում Արտակարգ իրավիճակների մարզային վարչության աշխատակիցները, մարզպետարանի և Վարդենիսի քաղաքապետարանի աշխատակիցներ: Նրանք մեկիկ-մեկիկ մտնում են փլված տներից տուժածների բնակարաններ, պարզում վնասի չափը և օպերատիվ կերպով հաղորդում Գեղարքունիքի մարզպետ Ռաֆիկ Գրիգորյանին:
Ի դեպ, Armlur.am-ը տեղեկացավ, որ մարզպետն այսօր շտապ ժամանել է Երևան, հանդիպել տարածքային կառավարման նախարար, փոխվարչապետ Արմեն Գևորգյանին քննարկելու կառավարության իրականացնելիք քայլերը:
Armlur.am-ի թղթակիցը դեպքի վայրում է, և տեղում տիրող իրավիճակի մասին կհայտնեք քիչ ուշ:
.gif)
