Կորյուն Փիլոյանը բարձր պաշտոն կստանա․ «Ժողովուրդ»

ՀԵՏԵՎԵՔ ՄԵԶ Telegram-ՈՒՄ

«Ժողովուրդ» օրաթերթը գրում է․ «Արդեն տեւական ժամանակ է, ինչ տեղեկություններ են շրջանառվում, թե ՀՀ քննչական կոմիտեի նախագահ Աղվան Հովսեփյանը նպատակ ունի կոմիտեի աշխատակազմում ընդգրկել այն մարդկանց, որոնց հետ աշխատել է ՀՀ գլխավոր դատախազությունում:

«Ժողովուրդ»-ի տեղեկություններով՝ այժմ քննարկվում է նաեւ ՀՀ գլխավոր դատախազության կոռուպցիայի եւ կազմակերպված հանցավորության դեմ պայքարի վարչության նախկին պետ Կորյուն Փիլոյանին Քննչական կոմիտեում բարձր պաշտոնի նշանակելու հարցը: Երեկ փորձեցինք լուրի իսկությունը ճշտել հենց Փիլոյանից:

«Ինձ որեւէ առաջարկ չի եղել»,- հակիրճ պատասխանեց նա: Հարցին՝ առաջարկ լինելու դեպքում արդյո՞ք կհամաձայնի աշխատել քննչական կոմիտեում, Փիլոյանը պատասխանեց. «Ես չգիտեմ, երբ որ առաջարկություն կլինի, այդ ժամանակ էլ կմտածեմ: Նախապես չեմ ցանկանում խոսել»:

 Ամբողջությամբ՝ թերթի այսօրվա համարում։      




Լրահոս