ԱՊՀ երկրների հետ Հայաստանի արտաքին առեւտրաշրջանառությունը նվազել է. «Ժողովուրդ»

«Ժողովուրդ» օրաթերթը գրում է․ «Եվրասիական տնտեսական միություն մտնելու գաղափարով ոգեւորված քաղաքական ուժերն ու գործարարները շտապում են «աչքալուսանք» տալ, թե մեզ համար լայն հնարավորություն է բացվելու դեպի ռուսական շուկա: Սակայն դատելով այսօր մեր երկրում առկա արտահանման եւ ներմուծման վիճակագրական տվյալներից, պետք է նկատել, որ ամենեւին էլ հուսադրող թվեր չկան:

«Ժողովուրդ»-ին հայտնի դարձավ, որ ԱՊՀ երկրների հետ Հայաստանի արտաքին առեւտրաշրջանառությունը բոլոր առումներով նվազել է. արտահանումը պակասել է 9, ներկրումը՝ 3.1 տոկոսով: Ընդ որում, նվազել է Հայաստանի արտահանումը դեպի Ռուսաստանի Դաշնություն՝ 6.4 տոկոսով, իսկ ներկրումն ավելացել է 1.4 տոկոսով:

Նվազել է ՀՀ արտաքին առեւտրաշրջանառությունը նաեւ Եվրամիության անդամ երկրների հետ. արտահանումը՝ 7, ներկրումը՝ 0.2 տոկոսով: Սրանք, թերեւս, համարվում են Հայաստանի հիմնական գործընկերները: Հետաքրքիր է՝ ի՞նչ պետք է փոխվի մեր երկրում մի քանի ամսվա ընթացքում, որ արտահանման ծավալներն աճեն»:

Ամբողջությամբ՝ թերթի այսօրվա համարում։