«Ձեր աշխատանքը պետք է բարձրացնի վստահությունը համակարգի հանդեպ»

ՀԵՏԵՎԵՔ ՄԵԶ Telegram-ՈՒՄ

ՀՀ առողջապահության նախարարության աշխատակազմի Առողջապահական պետական տեսչության աշխատանքը պետք է բարձրացնի հանրության վստահությունը համակարգի հանդեպ: Տեսչության ստորաբաժանումների ղեկավարների հետ հանդիպման ընթացքում այս շեշտադրումը կատարեց ՀՀ առողջապահության նախարար Արմեն Մուրադյանը:

«Գործառույթների լիարժեք կատարման շնորհիվ կձեւավորվի տեսչության բարձր հեղինակությունը որպես անհրաժեշտ, բնակչության առողջապահական եւ աշխատանքային իրավունքները պաշտպանող կառույց»,­ընդգծեց Արմեն Մուրադյանը, ում համոզմամբ` տեսչության արդյունավետ աշխատանքի շնորհիվ քաղաքացին վստահ կլինի, որ կպաշտպանվեն աշխատանքային իր իրավունքները:

«Առաջին հերթին պետք է բացառվեն տեսչության աշխատակիցների կողմից այլ գերատեսչությունների կամ կառույցների հետ ընկերային կամ բարեկամական հարաբերությունները: Բոլորը պետք է գիտակցեն, որ այդ գիծը չի կարելի հատել»,­ ասաց ՀՀ առողջապահության նախարարը` ավելացնելով, որ անաչառ եւ բաց աշխատաոճը կբարձրացնի նախարարության հեղինակությունը: Նրա գնահատմամբ` այս կառույցի եւ հանրության միջեւ վստահությունը պետք է դրված լինի ամուր հիմքերի վրա:

Անդրադառնալով օրեր առաջ քաղաքացու կողմից «Դիալաբ», «Պրոմ­տեստ» եւ «Վիոլա» լաբորատորիաներում նույն օրն արված արյան հետազոտման երեք ցուցանիշների արդյունքներն իրարից տարբեր լինելու խնդրին` Արմեն Մուրադյանը տեսչության պետի տեղակալ Գոհար Փանաջյանին հանձնարարեց, հաշվի առնելով օգոստոսի 24­ին քաղաքացու կողմից ներկայացված վարչական վարույթի մասին դիմումը, իրականացնել խնդրի համապարփակ ուսումնասիրություն: Արմեն Մուրադյանը նշեց, որ նախարարության կողմից պետք է մշակվեն ինչպես լաբորատոր, այնպես էլ` ռադիոլոգիական ախտորոշումների չափորոշիչներ, ինչը հնարավորինս կբացառի վերոնշյալ իրավիճակների առաջացումը, ինչպես նաեւ հնարավորություն կտա տեսչական պատշաճ վերահսկողություն իրականացնել:

Նախարարը տեսչության պետ Արտակ Սահակյանի ուղեկցությամբ այցելեց ինչպես ԱՊՏ կենտրոնական ապարատի գրասենյակ, այնպես էլ` Երեւանի քաղաքային կենտրոն, ինչպես նաեւ նախկինում աշխատանքի եւ սոցիալական հարցերի նախարարության ենթակայությամբ գործած Աշխատանքի տեսչության շենքի տարածք:

ՀՀ առողջապահական պետական տեսչությունն ունի նյութատեխնիկական պայմանների բարելավման խիստ կարիք, ինչի ուղղությամբ նախարարությունը քայլեր է ձեռնարկում:

Հիշեցնենք, որ 2013 թվականի հուլիսի 25-ին ՀՀ կառավարության որոշմամբ առողջապահության նախարարության Հիգիենիկ եւ հակահամաճարակային պետական տեսչությունը միավորվել է Աշխատանքի եւ սոցիալական հարցերի նախարարության

Աշխատանքի պետական տեսչության հետ։ Նոր կառույցի` ՀՀ ԱՆ առողջապահական պետական տեսչության կառավարումն իրականացվում է կառավարման խորհրդի կողմից։




Լրահոս