Այսուհետ արգելանք կդրվի միայն պարտքի չափով. օրենքն ընդունվեց միաձայն

Ազգային ժողովի այսօրվա նիստի սկզբում ԱԺ նախագահի Գալուստ Սահակյանի կողմից քվեարկության դրվեց երեկ քննարկված «Դատական ակտերի հարկադիր կատարման մասին» Հայաստանի Հանրապետության օրենքում լրացումներ կատարելու մասին օրենքի նախագիծը, որով նախատեսվում է կարգավորել պարտապանի և վարկային կազմակերպությունների իրավահարաբերությունները: Ձայների 114 կողմ, 0՝ դեմ, 0՝ ձեռնպահ հարաբերակցությամբ նախագիծն ընդունվեց։

Օրինագծի հեղինակների առաջարկով՝  նախագծով սահմանվում է, որ բանկը կամ վարկային այլ կազմակերպություն պարտապանի ունեցվածքի վրա արգելանք կարող է սահմանել միայն նրա պարտքի չափով: Ներկայումս պարտապանի պարտքի դիմաց արգելանք է դրվում նրա ողջ ունեցվածքի վրա, ինչն օրենքի խախտում է և առաջացնում է քաղաքացիների դժգոհությունը: