Հասարակության աշխատող հատվածը պարբերաբար բախվում է հետևյալ փաստին. հանկարծ պարզվում է, որ առաջիկա երկուշաբթին ոչ աշխատանքային է ու փոխարենը շաբաթ օրն է աշխատանքային լինելու:
Թե որն է վերջին տարիների այս նորարարության բուն իմաստը, որևէ մեկը լիարժեքորեն չի կարողանում հիմնավորել: Հասարակությունն էլ առանձնապես սիրով չի ընդունում աշխատանքային օրերն անսպասելիորեն տեղափոխելու ժամանակ առ ժամանակ կրկնվող պարտադրանքը:
Armlur.am-ի զրուցակիցների շրջանում քիչ չէին դժգոհ մարդիկ: Թեև ոմանք էլ նշեցին, որ արժե աշխատանքային երկուշաբթիներն ազատ օր հայտարարել այս կամ այն եկեղեցական արարողությանը լիարժեքորեն մասնակցելու հնարավորությունից օգտվելու համար:
Այնուամենայնիվ, խնդիրն այնքան էլ ժամանակի պակասի մեջ չէ, քանի որ ինչպես մեր հարցվածներից մեկը նշեց, ցանկության դեպքում օրվա խորհրդին կարելի է հետևել նաև աշխատանքային ժամի ավարտից հետո:
Տաթև Հարությունյան, Տիգրան Սարգսյան
.gif)
