Հետաքրքիր է այն հանգամանքը, որ Հայաստանում, Ադրբեջանում և Վրաստանում ապրող աղջիները, ովքեր ակտիվ գիշերային կյանքով են ապրում, միայն ընկերների հետ հետաքրքիր շփում ապահովելու համար չէ, որ իրենց երեկոն դրսում են անցկացնում: Շատերի համար դա միջոց է իրենց սոցիալական ազատությունը ի ցույց դնելու. գրում է BBC-ն:
Կովկասցի աղջիկների գիշերային կյանքի մասին հոդվածում, մասնավորապես, գրված է. «ԽՍՀՄ փլուզումից հետո այս գերտերության կազմում գտնվող երկրների կյանքը բազմաթիվ փոփոխությունների ենթարկվեց: Չնայած նրան, որ հիմա ավելի շատ ժամանցի միջոցներից են նրանք օգտվում, միևնույն է, սահմանափակումները որոշ հարցերում ակնհայտ են»:
Անդրադառնալով հայ աղջիկներին՝ հոդվածագիրը մեջբերում է նրանցից մեկի խոսքերը. «Ես գիշերային կյանքով եմ ապրում: Երբ քաղաքում բոլորը քնած են, Երևանը մի ուրիշ ալիքի վերահսկողության տակ է հայտնվում, և դրա մեջ է կենտրոնանում գիշերային ակտիվ կյանքը: Այն աղջիկները, ովքեր խուսափում են ազատությունից հիմնականում վախենում են կարծիքների բացասական լինելուց: Հնարավոր է՝ հարևանները տհաճ բաներ մտածեն իրենց հասցեին: Ահա այդ իսկ պատճառով էլ իրենց անձնական կյանքը գաղտնի են պահում»:
«Երևանում շատ են զվարճանքի վայրերը, բայց ոչ բոլորն են կողմ ժամանցի նման կազմակերպմանը»,-հավելում է կայքը:
.gif)
