Բանաստեղծի ծննդյան օրը՝ «Թումանյանական աշխարհում» (ֆոտո)

«Թումանյանական աշխարհում»  հայտնվելու համար,  մինչ փետրվարի 25-ը, Երևանցիները կարող են այցելել Հովհ. Շարամբեյանի անվան ժողովրդական ստեղծագործության կենտրոն:

‹‹Լոռվա ձոր›› հայրենակցական միության հետ համատեղ կազմակերպվել է, գեղանկարիչ  Արմեն Վահրամյանի անհատական ցուցահանդեսը: Ծնունդով լոռեցի նկարիչն իր կտավներով ամենայն հայոց բանաստեղծի   հայրենի ձորի գույներն ու երանգները,  հեքիաթներն ու դրանց իրական հերոսների կերպարներն է ներկայացնում  արվեստասերին՝ սրահները  ողողելով  թումանյանական  ջերմությամբ:

Բանաստեղծի 146 ամյակին նվիրված  ցուցահանդեսը բացեց Հովհ. Շարամբեյանի անվան ժողովրդական ստեղծագործության կենտրոնի տնօրեն,  բանաստեղծ Հովիկ Հովեյանը:

Ողջույնի խոսքով հանդես եկան Լեզվի պետական տեսչության պետ՝ Սերգո Երիցյանը, ՀՀ մշակույթի նախարարի խորհրդական՝ Վահան Եղիազարյանը, ՀՀ ժողովրդական նկարիչ՝ Հրանտ Թադևոսյանը,  ՀՀ ժողովրդական արտիստ՝ Թովմաս Պողոսյանը և այլոք:

Տեղի ունեցավ նաև հեղինակի նկարազարդած՝ Թումանյանի «Անհաղթ աքլորը»  գրքի շնորհանդեսը:

Գեղանկարիչ  Արմեն Արմենակի Վահրամյանը ծնվել է 1968 թվականի մայիսի 10-ին Լոռու մարզի Արդվիգյուղում։ 1978 թվականից հաճախել է Ալավերդու Գեղարվեստի դպրոցը: 1989 թվականին ավարտել էՄարտիրոս Սարյանի անվան գեղարվեստի քոլեջի մանրանկարչության բաժինը: 1994 թվականին` Երևանիգեղարվեստա-թատերական ինստիտուտի գրաֆիկայի բաժինը: 2000 թվականից Հայաստանի նկարիչներիմիության անդամ է։