Ազգային ժողովում շարունակվում են 2014 թվականի պետական բյուջեի կատարողականի հաշվետվության քննարկումները: Վերահսկիչ պալատի հաշվետվությունը ներկայացրեց խորհրդի անդամ Սեյրան Ավագյանը:
ԲՀԿ խմբակցության քարտուղար Վահե Էնֆիաջյանը հետաքրքրվեց, թե ինչու ՎՊ նախագահը չկա՝ հավելելով.«Խորհրդարանում ավանդույթ է դարձել ՎՊ-ն ձեր անձով է ներկայանում»:
Սեյրան Ավագյանը պատասխանեց, որ այստեղ ներկայացնում է կատարողականը՝ ՎՊ խորհրդի որոշմամբ: «Պարոն Զաքարյանը չէր կարող ներկա լինել, և խորհուրդը որոշեց, որ հաշվետվությունը ես եմ ներկայացնելու», – ընդգծեց նա:
Նշենք, որ արդեն ավանդույթ է դարձել Իշխան Զաքարյանի` Ազգային ժողով չգալը: Պատգամավորներն էլ մշտապես հետաքրքրվում են, թե ուր է Իշխան Զաքարյանը:
.gif)
