Այսօր Սարդարապատում տեղի ունեցավ ՀՀ անկախության տոնին նվիրված միջոցառում, որին մասնակցում էին ՀՀ նախագահ Սերժ Սարգսյանը, Արցախի Հանրապետության վարչապետ Արայիկ Հարությունյանը, Պաշտպանությանն նախարար Սեյրան Օհանյանը, Ոստիկանապետ Վլադիմիր Գասպարյանը, ԵԿՄ նախագահ Մանվել Գրիգորյանը, Գեներալ Սեյրան Սարոյանը, նախարարներ, պատգամավորներ և բարձրաստիճան այլ պաշտոնյաներ: Միջոցառմանը, սակայն, ներկա չէին ՀՀ վարչապետ Հովիկ Աբրահամյանը և ԱԺ նախագահ Գալուստ Սահակյանը:
Պաշտոնական արարողությունից հետո ներկաները արտասահմանյան պատվիրակությունների հետ համատեղ այցելեցին Սարդարապատի թանգարան, որտեղ սակայն, լրատվամիջոցներին թույլ չտվեցին ներս մտնել: Պատճառը նախագահականի նախընտրելի լրատվամիջոցների ցուցակում չլինելն էր:
Հավաքված մարդկանց ևս անվտանգության աշխատակիցները թույլ չտվեցին մտնել թանգարան` հորդորելով ժամը 15:00-ից հետո գալ:
Սարդարապատում տեղի ունեցած արարողությունը` Armlur.am-ի տեսանյութում:
.gif)
