Armlur.am-ն արդեն հայտնել է, որ ՀԱԿ անդամ, նախկին քաղբանտարկյալ Տիգրան Առաքելյանը կալանավորված է: Տիգրան Առաքելյանն ԱԱԾ մեկուսարանում է: Տեղեկացնենք, որ Aravot.am-ի տեղեկություններով, Տիգրան Առաքելյանին ձերբակալել են ՀՀԿ-ական երկու պատգամավորների վերաբերյալ ինտիմ բնույթի տեսանյութեր տնօրինելու եւ հրապարակելու համար:
Երեկվանից Armlur.am-ը ՀՀԿ կազմակերպչական հանձնաժողովի նախագահ Ռուբեն Թադևոսյանից փորձում է ճշտել` որ պատգամավորների մասին է խոսքը, և ինչ գիտեն իշխող կուսակցությունում կատարվածի մասին:
Մեր զրուցակիցը, սակայն, այդպես էլ սպառիչ պատասխան չտվեց: Նախ ասաց, որ տեղյակ չէ` ինչի մասին է խոսքը: Այսօր արդեն ասաց, որ ինքը նման ինֆորմացիայի չի տիրապետում: Ապա նշեց. «Երբ իրավապահ մարմինները կանեն իրենց գործը, դրանից հետո մենք մեկնաբանությամբ հանդես կգանք»:
Ի դեպ, նշենք, որ Araratnews.am-ի տեղեկություններով, ՀՀԿ-ական երկու պատգամավորներից մեկը ԱԺ ՀՀԿ պատգամավոր, Պետական-իրավական հարցերի մշտական հանձնաժողովի նախագահ Հովհաննես Սահակյանն է: Օրեր առաջ համացանցում հայտնվել էր տեսանյութ, որտեղ ՀՀԿ-ական Հովհաննես Սահակյանը ինտիմ բնույթի զրույց է ունեցել ինչ-որ աղջկա հետ: Կայքի փոխանցմամբ, համացանցում հայտնված տեսանյութն արդեն հեռացված է, սակայն տեսազանգից արված լուսանկարը փաստում է, որ «հերոսը» ՀՀԿ-ական պատգամավորն է:
.gif)
