Այսօր Ազատության հրապարակում «Ոչ թալանին» քաղաքացիական նախաձեռնությունը կազմակերպել էր հանրային քննարկում՝ ընդդեմ սահմանադրական բարեփոխումների և դրա վերաբերյալ իրենց հետագա քայլերի մասին: Հավաքվածները փոխանակվեցին մտքերով, առաջարկներ արեցին: Նրանց միացավ նաև «Չեք անցկացնելու» նախաձեռնությունը, որը ստեղծվել է տսպալելու սահմանադրական հանրաքվեն: Նախաձեռնության անդամ Արշակ Մուսախանյանը հավաքվածներից ներկայացրեց իրենց ծրագրերը, հետագա քայլերը և նպատակները:
Նա նշեց, որ իրենք կոնսուլտացիաներ են սկսել քաղաքական ուժերի, ՀՀ-ում գործող դեսպանատների հետ:
«Մենք արդեն հանդիպում ենք ունեցել ՀՀ-ում Մեծ Բրիտանիայի դեսպանատան ներկայացուցիչների հետ: Առաջիկայում ևս նախատեսվում են նման հանդիպումներ, բայց փակագծերը չեմ ուզում բացել: Մեր նպատակն է տապալել սահմանադրական հանրաքվեն և թույլ չտալ Սերժ Սարգսյանի իշխանության վերարտադրությունը»,- ասաց Ա. Մուսախանյանը և հավելեց՝ առաջիկայում նախատեսում են նաև մարզային իրազեկումներ և հանդիպումներ:
.gif)
