Իսրայելի պաշտպանական բանակն առանց վարորդի ու հեռահար կառավարմամբ ռազմամեքենայի փորձարկում է անցկացրել, որը նախատեսված է Գազայի հատվածի հետ սահմանի վերահսկողության համար, հայտնում է ՏԱՍՍ-ը:
Ռազմամեքենան հագեցած է անվտանգության տեսախցիկներով, որոնք թույլ են տալիս վերահսկել սահմանի երկայնքով իրավիճակը: Մասնավորապես, այս նոր ամենագնացը կարող է բացահայտել սահմանի ապօրինի հատման փորձերը: Այն հայտնաբերում է նաև պայթուցիկ սարքերն ու ահաբեկիչների թունելները:
Առանց վարորդի ամենագնացը ղեկավարվում է հեռահար կերպով: Մեքենայի վրա տեղադրված տեսախցիկները 360 աստիճանի տեսանելիություն ունեն: Այս մեքենայի ստեղծման հիմնական նպատակն է Իսրայելի զինվորական անձնակազմի շարքում զոհերի թվի նվազեցումը: Մեքենան ստացել է «Սահմանապահ» անվանումը:
.gif)
