Այսօր Երևանի թիվ 155 ավագ դպրոցում ՀՀ վարչապետ Հովիկ Աբրահամյանը, Երևանի քաղաքապետ Տարոն Մարգարյանը մասնակցեցին սեպտեմբերի 1-ի միջոցառմանը: Դպրոցում վարչապետը և քաղաքապետը հետևեցին երեխաների կազմակերպած հետաքրքիր շուոին, շրջեցին դպրոցում, շնորհավորեցին առաջին դասարանցիներին: Վարչապետ Աբրահամյանը շնորհավորեց առաջին դասարանցիներին և դպրոցականներին սեպտեմբերի 1-ի կապակցությամբ և մաղթեց արդյունավետ ու գիտելիքներով լի տարի:
Աբրահամյանը լրագրողների հետ զրույցում ասաց, որ ինքը դպրոցում աշխույժ երեխա է եղել, մեկ անգամ կազմակերպել է դասից փախչել: «Այսօր կարևորն այն է, որ մենք ստեղծենք հնարավորություն, որ մեր ապագա սերունդը լավ կրթություն ստանա, թող մեկ մեկ էլ դասից փախչեն: Այստեղ կարևորում եմ մեր նախարարությանը, քաղաքապետարանի դերը: Պետք է ստեղծենք ավելի լավ հնարավորություններ»,- ասաց նա:
Վարչապետը Armlur.am-ի հարցին, ինչպես կգնահատի այսօր Հայաստանում կրթության որակը, նշեց. «Անելիքներ դեռ ունենք»:
Մանրամասները` Armlur.am-ի տեսանյութում:
.gif)
