Հնդկաստանի հյուսիս-արևելքում գտնվող Ասսամ նահանգում ջրհեղեղը խլել է 26 մարդու կյանք, երեքշաբթի օրը հայտնում է Times of India-ն:
Ընդ որում միայն վերջին մեկ օրվա ընթացքում մահացել է 6 մարդ: Նահանգի 18 շրջաններում ավելի քան 700 հազար մարդ տուժել է: Ջուրը հեղեղել է ավելի քան 1000 հա գյուղատնտեսական հողեր: Ջրի տակ է հայտնվել նաև Կազիրանգա ազգային պարկը, որտեղ խեղդվել է ռնգեղջյուրի ձագը:
«Երկուշաբթի օրվա դրությամբ ջրի տակ է հայտնվել Կազիրանգի 70%-ը»,- հրատարակչությանը հայտնել է անտառապահ Սիլ Սարման:
Հավելենք, որ նահանգում ջրհեղեղի պատճառ է դարձել սեզոնային անձրևները, որոնք սկսվել էին շուրջ 2 շաբաթ առաջ:
ծ
.gif)
