«Գազպրոմ»-ի ղեկավար Ալեքսեյ Միլլերը հայտարարել է Ուկրաինային գազի մատակարարման դադարեցման մասին, փոխանցոմ է RNS գործակալությունը:
««Ուկրաինայի նավթագազ»-ի կողմից նոր կանխավճար չի ստացվել: Այսպիսով` դադարեցվել է գազի մատակարարումն ուկրաինական ընկերությունների կողմից մինչ նոր վճարումները»,-հայտարարել է Միլլերը:
«Գազպրոմ»-ի ղեկավարը հավելել է, որ ռուսական գազից հրաժարումը լուրջ ռիսկեր է ստեղծում Եվրոպայում Ուկրաինայի տարածքով գազի հուսալի տարանցման համար:
Ավելի վաղ «Ուկրաինայի նավթագազ»-ի ղեկավար Անդրեյ Կոբոլևը հայտարարել է, որ Ուկրաինան ռուսական գազի կարիքը չունի և կարող է ապահովել երկիրը Եվրոպական միությունից ստացված վառելիքով այս և հաջորդ ձմռանը:
Թարգմանիչ՝ Քրիստինե Պողոսյան
.gif)
