Armlur.am-ն արդեն հայտնել էր, որ վերջին օրերին Ազգային ժողովում, համեմատած մյուս օրերի, ավելի ուժեղ հսկողություն է տիրում, և անվտանգության աշխատակիցները զինված են ավտոմատներով:
Սակայն ՀՀ պետական պահպանության վարչության պետ Հրաչյա Հարությունյանը պատասխանել էր . «Ընդամենը մեր գործառույթներն ենք իրականացնում: Մի օր կարող է ինքնաձիգը տեսնեք, մի օր չտեսնեք, բայց դա ոչինչ չի նշանակում: Իրավիճակը նորմալ է, մտահոգվելու խնդիրներ չունենք»:
Այսօր լրագրողներն ականատես եղան, որ նույն իրավիճակն է տիրում նաև կառավարությունում: Կառավարությունում այսօր հսկողությունը, սովորական օրերի համեմատ, ավելի ուժեղացված էր: Անվտանգության աշխատակիցներն ավտոմատներով զինված էին հսկում շենքը:
Ակնհայտ է, որ նման հսկողությունը կապ ունի երեկ տեղի ունեցած իրադարձությունների հետ:
.gif)
