«Այն ինչ որ հիմա է տեղի ունենում երկարատև գործընթացի հասունացում էր, այնպես չի որ միանգամից եղավ»,- ArmLur.am-ի հետ զրույցում, ադրադառնալով ղարաբաղա-ադրբեջանական սահմանին իրականացվող գործողություններին, ասաց «Մոդուս վիվենդի» կենտրոնի ղեկավար, քաղաքագետ Արա Պապյանը:
Նրա խոսքով` Ադրբեջանի կողմից սկսված լարվածությունը դեռեւս տարիներ առաջ է նկատվել. «Մենք տեսնում ենք, որ 2003-2004 թվականից Ադրբեջանը ուժեղացնում է լարվածությունը, ավելի ու ավելի նոր զենքեր է կիրառում, զենքեր է առնում Ռուսաստանից: Դրան գումարվեց տնտեսական վիճակի վատթարացումը` նավթի գների անկումը… անհրաժեշտ էր այդ վիճակից ժողովրդի ուշադրությունը շեղել, մյուս կողմից ռուս-թուրքական հակասությունը սրվեց, Էրդողանը ուզեց ռուսների համար այստեղ խնդիրներ ստեղծի եւ մի շարք այսպիսի գործոններ գումարվեցին եւ ունենք այն ինչ որ ունենք»-հավելեց քաղաքագետը:
«Սրանից ավելի լայնամաշտաբ գործողություններ ես չեմ կանխատեսում, որովհետեւ եթե Ադրբեջանը գնար ավելի լայնամաշտաբի` ինքը միանգամից կաներ, որպեսզի անսպասելիության գործոնը օգտագործվեր: Հիմա արդեն հայերը մոբիլիզացել են»-ընդգծեց քաղաքագետը:
.gif)
