Սամվել Բաբայանի սուր խոսքը երկար սպասեցնել չի տա. ինչ է պատրաստվում անել ՊԲ հիմնադիրն առաջիկայում

Ինչպես հայտնի է, Արցախի պաշտպանության բանակի հիմնադիր, ԼՂՀ պաշտպանության նախկին նախարար, գեներալ-լեյտենանտ Սամվել Բաբայանը վերադարձել է Հայաստան: Վերջին շրջանում նա գտնվում էր Մոսկվայում:

Բաբայանի վերադարձի մասին ArmLur.am-ին մանրամասներ են հայտնի դարձել:

Այսպես, մեր հավաստի տեղեկություններով, Սամվել Բաբայանը առաջիկայում հրապարակավ կհայտնի իր տեսակետը Հայաստանում առկա իրավիճակի, Արցախում տիրող մթնոլորտի և այլ կարևոր հանգամանքների մասին։

Ըստ ամենայնի՝ ՊԲ հիմնադիրը խոսքը հարցազրույցով տեղ կհասցնի, որը պարունակելու է քննադատություն Հայաստանում այսօր վարվող արտաքին ու ներքին քաղաքական հարցերի վերաբերյալ։