Որքան արժե հանգիստը հայաստանյան հյուրանոցներում

Որքան արժե հանգիստը հայաստանյան հյուրանոցներում

Ամառային այս օրերին Երևանում գործող գրեթե բոլոր հյուրանոցներում ազատ սենյակ չկա, բոլոր համարները պատվիրված են, թեև դրանց ոչ այնքան մատչելի լինելուն: ArmLur.am-ը մի քանի հյուրանոցներում իրականացրած հարցախույզի արդյունքում փորձեց պարզել, թե հայաստանյան հյուրանոցներում ինչպիսի գնային քաղաքականություն է տիրում:

Մասնավորապես, «Բեստ Վեստեռն Կոնգրես» հյուրանոցի այցելուների 60-80 %-ը օտարերկրացիներ են: Իսկ մեր քաղաքացիները զբաղեցնում են մի ստվար մաս` ընդամենը 20%: Հյուրանոց հիմնականում այցելում են Իրանի քաղաքացիներ, հատկապես ամռան շրջանում: Ինչպես հյուրանոցի աշխատակիցը նշեց, գները հիմնականում պայմանավորված են սենյակների շքեղությունից:

«Մեր հյուրանոցն ունի 3 տեսակի ննջասենյակ՝  Single-SGL – մեկտեղանի տեղակայ, որի արժեքն է 58.700 ՀՀ դրամ, Double-DBL- երկտեղանի տեղակայում (մեկ երկտեղանի մահճակալ), որի արժեքն է 75.500 ՀՀ դրամ, Twin-TWN – երկտեղանի տեղակայում (երկու մեկտեղանի մահճակալ), որի արժեքն է 92.500 ՀՀ դրամ: Չնայած, որ ձմռանն ավելի գները մատչելի են, քան ամռանը»:  Սակայն հյուրանոցի աշխատակիցը չնշեց, թե ինչով է պայմանավորված գնային աճը կամ անկումը:

Իսկ  Ծաղակաձորի «Մուլտի Ռեստ Հաուս» հյուրանոցային համալիրի մենեջերը մեզ հետ զրույցում նշեց « Մեզ մոտ երկու անձի համար ֆիքսված համարը կազմում է 40.000 դրամ , սակայն մինչև ամսի 15-ն ունենք 20% զեղչ:  Նշենք, որ դա նախատեսված է ստանդարտ սենյակի համար : Այդ զեղչերը գործում են «big lemon» և «top softe» կայքերի զեղչի կտրոններով: Նախաճաշը ներառվում է արժեքի մեջ»:
Ըստ հյուրանոցի մենեջերի դիտարկման, հյուրանոցը լի է լինում հաճախորդներով հատկապես ձմռան ամիսներին, քանի որ և՛ հայերը և՛ օտարերկրացիները գալիս են դահուկով սահելու: Նրա խոսքով, սա ոչ թե հյուրանոցի քաղաքականությունն  է, այլ ֆիքսված գներ են:

Հավելենք, որ հայաստանյան հյուրանոցների և հանգստի վայրերի մատուցած ծառայությունների թանկ և ոչ բոլորին հասու լինելու մասին շատ է խոսվել: Հատկապես դա ակնառու է դառնում, երբ եղած ծառայությունները և գները համեմատում ես արտերկրի հյուրանոցների մատուցած ծառայությունների արժեքի հետ: Մասնավորապես, օրեր առաջ ArmLur.amգրել էր, որ ոչ մեծ գումարներ ծախսելով կարող ես հանգիստ անցկացնել արտերկրում:

Լիդա Եղիազարյան