ԱՄՆ նախագահ Բարաք Օբաման Ֆիլադելֆիայում Դեմոկրատական կուսակցության համագումարի շրջանակներում աջակցել է ԱՄՆ նախագահի թեկնածու Հիլարի Քլինթոնին, փոխանցում է DW-ն:
Նրա խոսքով՝ «առավել հարմար թեկնածու, քան Քլինթոնն է, չկա»:
«Ոչ ոք իսկապես չի կարող նախապատրաստել մեզ Օվալաձև կաբինետի պահանջներին: Մինչև դուք չնստեք այդ սեղանի շուրջ, չեք գիտակցի, թե ինչ է՝ զբաղվել գլոբալ ճգնաժամի կարգավորման հարցերով և երիտասարդների ուղարկել պատերազմելու: Հիլարին եղել է այդ կաբինետում, նա մասնակցել է այդ որոշումների ընդունմանը»,-ասել է Օբաման:
«Նույնիսկ ճգնաժամի թեժ պահին նա լսում է մարդկանց, յուրաքանչյուրին հարգանքով է վերաբերվում: Նա երբեք չի հանձնվում: Դա Հիլարին է, ում ես ճանաչում եմ, ում ես եկել եմ իմ հիացմունքը հայտնելու»,-հավելել է ԱՄՆ նախագահը:
.gif)
