Անատոլիայի երիտասարդական ասոցիացիայի ակտիվիստները բողոքի ակցիա են անցկացրել Թուրքիայի հարավում գտնվող Ինջիրլիք ավիաբազայում, փոխանցում է Sabah պարբերականը:
Ակտիվիստները մեղադրում են ԱՄՆ-ին երկրում ռազմական հեղաշրջման փորձ կատարելու մեջ: Ավելի վաղ Yeni Safak պարբերականը, հղում անելով իր աղբյուրներին, հայտնել էր, որ ամերիկացի գեներալ Ջոն Քեմփբելն օգնել է ապստամբներին և նրանց հետ գաղտնի բանակցություններ վարել Ինջիրլիք ավիաբազայում:
Բացի այդ, թուրքական իշխանություններն ԱՄՆ-ից պահանջում են արտահանձնել Ֆեթուլահ Գյուլենին, ում Անկարան մեղադրում է ռազմական հեղաշրջում կատարելու մեջ:
Ակտիվիստները հակաամերիկյան լոզունգներ են հնչեցրել և կոչ արել երկրի քաղաքացիներին միանալ նման ակցիաներին:
.gif)
