Ձմռանը հարմար է ձեռքի տակ ունենալ սառեցված մրգեր կամ բանջարեղեն: Ցավոք, ոչ բոլոր տնային տնտեսուհիներն են հետևում այդ օգտակար գաղափարին:
Ծիրան, սալոր
Հատկապես հաճելի է ձմեռային սառնաշունչ օրերին: Սառեցրեք՝ նախապես հանելով կորիզները և դնելով պլաստիկ ամանների մեջ:
Խնձոր, տանձ
Դրանց սառեցման պրոցեսն այդքան էլ հեշտ չէ: Անհրաժեշտ է կտրել դրանք ոչ մեծ կտորներով, ապա տեղադրել ամանի մեջ և վրան կիտրոնի հյութ լցել, որպեսզի չսևանան: Դրանից հետո անհրաժեշտ է թեթևակի չորացնել սկուտեղի վրա և դնել սառցարանում: Ապա մրգերը դնել փակ ամանի մեջ:
Կանաչ ոլոռ, եգիպտացորեն, կանաչ լոբի
Այս մթերքները պետք է նախ պահել գոլորշու վրա, ապա հովացնել և դնել մաքուր, փափուկ կտորի վրա: Դրանից հետո պետք է դնել փակ ամանի մեջ և տեղադրել սառցարանում:
Բուլղարական պղպեղ
Մեծ պղպեղները կարելի է սառեցնել աղցանների համար, իսկ միջինները՝ լցոնման համար:
Գազար
Անհրաժեշտ է քերել գազարը խոշոր քերիչով և դնել պլաստիկ ամանի մեջ: Ապա դնել սառցարանում:
Սմբուկ
Սմբուկները սառեցրեք ոչ մեծ խորանարդներով:
Ինչպես նաև ձմռան համար կարելի է սառեցնել բրոկոլի, լոլիկ, սունկ և հատապտուղներ: Կարելի է վստահորեն սառցնել ազնվամորին, ելակը, մոշը: Շատերը նախընտրում են դրանք մանրացնել և հարել բլենդերի մեջ: Ձմռանն այդպիսի խառնուրդը կարող է փոխարինել յոգուրտներին կամ կոկտեյլներին:
.gif)
