Ի՞նչ վնասներ են կրել Գեղարքունիքի գյուղերի բնակիչները գայլերի ոհմակի հարձակումից

ArmLur.am-ն արդեն հայտնել էր, որ  այսօր Գեղարքունիքի մարզի Կուտական գյուղի դաշտերում գայլերը հոշոտել են ոչխարների:

ArmLur.am-ն այս  առնչությամբ զրուցեց Կուտական համայնքի ղեկավար Ահարոն Աբրահամյանի հետ` հասկանալու համար, թե գյուղացիների կրած վնասների չափը  որքա՞ն է:

«Ընդհանուրը 277 գլուխ ոչխարհ է գայլերի զոհ դարձել: 17 վիրավոր կան, որից 3-ը գառ են, 92-ին էլ չենք հայտնաբերում, կորած են: Միշտ էլ լինում են, բայց այս կագի դեռ չէին եղել»,-ասաց Ահարոն Աբրահամյանը:

Ըստ գյուղապետի՝  մոտ 10  գայլ հարձակվել են ոչխարների հոտերի վրա, հովիվը՝ Սեյրան Նազարյանը, որքան կարողացել է ոչխարհներին  քշել բերել է գյուղ:

«Դիմել ենք մարզպետարան, կստեղծվի հանձնաժողով, տեսնենք ինչ կլինի»,-նշեց գյուղապետը:

Նշենք, որ գայլերը հոշոտել են նաև Գեղարքունիքի մարզի մեկ այլ գյուղի՝ Տրետուք համայնքի ոչխարհներին: Մեր տեղեկություններով` այս համայնքում հոշոտված ոչխարների թիվը մոտավորապես 400-ի է հասնում: