ՀՀ նախագահի հրամանագրով Հանրային Հեռուuտառադիոընկերության խորհրդի անդամ Արմեն Ամիրյանն ազատվեց իր պաշտոնից և մեկ այլ հրամանագրով նշանակեց ՀՀ մշակույթի նախարար:
Այս առնչությամբ ArmLur.am-ը զրուցեց Տիկնիկային թատրոնի տնօրեն Ռուբեն Բաբայանի հետ` փորձելով հասկանալ, թե ինչ բարեփոխումների կարիք ունի ՀՀ մշակույթի նախարարությունը և թե արդյոք կա՞ն խնդիրներ, որոնք չեն լուծվել Հասմիկ Պողոսյանի պաշտոնավարման ընթացքում և անհապաղ այդ խնդիրներին պետք է ընթացք տա Արմեն Ամիրյանը: Վերջինս մեզ հետ զրույցում նշեց, որ այս տարիների ընթացքում հնարավորություն ունեցել է Հասմիկ Պողոսյանի հետ շատ անկեղծ լինել, և դժգոհություն հայտնել այն հարցերի վերաբերյալ, որոնց հետ համաձայն չի եղել:
«Հիմա հեռանալուց հետո պարզապես միայն շնորհակալություն կարող եմ հայտնել համատեղ աշխատանքի համար»,-ասաց նա:
Ինչ վերաբերվում է Արմեն Ամիրյանին, Ռուբեն Բաբայանը նշեց, որ նրան վաղուց է, ինչ ճանաչում է:
«Արմեն Ամիրյանի մասին լսել եմ շատ լավը, հենց իր կոլեգաներից: Կարծում եմ շատ կարևոր է, թե ինչ ծրագրով կգա նա և ինչքանով ինքնուրույն կլինի ծրագիրը իրագործելու մեջ, ինչքանով կկարողանա դիմադրել ճնշումներին, որոնք հաստատ կլինեն»,-ընդգծեց Ռուբեն Բաբայանը:
Մեր զրուցակցի խոսքով՝ նա պատրաստ է իր ներածին ուժերի չափով օգտակար լինել, եթե դրա պահանջը կլինի:
Լիդա Եղիազարյան
.gif)
