Կառավարության օպտիմալացման ծրագրերի արդյունքում աճուրդի է հանվել առաջին նախագահ Լևոն Տեր-Պետրոսյանին սպասարկած զրահապատ «Mercedes» մեքենան: Առաջին նախագահի պաշտոնավարման ժամանակ նրան այդ մեքենան նվիրել էր ԽՍՀՄ ՊԱԿ նախագահ Վլադիմիր Կրյուչկովը, իսկ պաշտոնանկությունից հետո Լ.Տեր-Պետրոսյանն անձամբ է մեքենան փոխանցել նախագահական նստավայր` որպես պաշտոնաթող նախագահին սպասարկած մեքենա:
Թերևս զարմանալի է, որ առնվազն թանգարանային նմուշ հանդիսացող այս մեքենան հանվել է աճուրդի և հայտնվել այնպիսի ջարդոնների կողքին, որոնք տարիներ շարունակ սպասարկել են մեծ ու փոքր չինովնիկներին: Ի վերջո, խոսքը գնում է անկախ ՀՀ-ի առաջին նախագահի ծառայողական մեքենայի մասին. այլ երկրներում այն առնվազն թանգարանային նմուշ կլիներ:
Օրինակ այս տարվա մայիսին անցկացվեց հուշ-երեկո, որը նվիրված էր Աբխազիայի հանրապետության առաջին նախագահ Վլադիսլավ Արդզինբին, որի ժամանակ որպես թանգարանի նմուշ ցուցադրվեց նախագահի առաջին ծառայողական մեքենան, որը գտնելու աշխատանքների համար պահանջվել էր շուրջ կես տարի:
ЗИЛ-41052-ն էլ հանդիսանում է ՌԴ նախագահ Բորիս Ելցինի ծառայողական մեքենան: Այն ՌԴ-ում ևս հանդիսանում է թանգարանի նմուշ: Իսկ մեզ մոտ այն հանում են աճուրդի` այլ թափոնների հետ միասին:
Բաքվի Հեյդար Ալիևի անվան մշակութային կենտրոնում ցուցադրված են 1969-ից 2003 թթ.-ին նրան սպասարկած բոլոր ծառայողական մեքենաները…
.gif)
