«Հրապարակ» օրաթերթը գրում է. «Չնայած քաղաքական ուժերն զբաղված են նախընտրական թոհուբոհով, բայց մեզ հետաքրքրեց, թե ինչ ճակատագիր ունեցավ «Լուսավոր Հայաստանի», ԲՀԿ-ի եւ ՀՎԿ-ի համատեղ դիմումը կառավարությանը, որով պահանջել էին վաղաժամկետ լուծարել Վանաձորի ավագանին: Առաջիկա օրերին կառավարությունը կպատասխանի այդ դիմումին` տալով հայտնի պատասխանը. օրենքի պահանջը կառավարությանը ավագանու մասին թույլ է տալիս որոշում կայացնել, եթե եռամսյա ժամկետում ավագանին նիստ չի հրավիրել. ավագանին հոկտեմբերի 10-ին նիստ հրավիրել է, ուստի եռամսյա ժամկետը չի անցել:
Ինչն անվերջ կրկնում է Վանաձորի քաղաքապետ Մամիկոն Ասլանյանը: Իսկ երբ ժամկետը լրացա՞վ, հարցրինք մեր աղբյուրին։ «Ըստ նստաշրջանների կորոշվի»: Հասկանալի է, որ կառավարությունն ու իշխանություններն այս պահին` ընտրությունների նախաշեմին, նման նախադեպ թույլ չեն տա, իսկ ընտրություններից հետո` թեկուզ ջրհեղեղ»:
Ավելի մանրամասն՝ թերթի այսօրվա համարում:
.gif)
