Թրամփի երդմնակալության արարողությունից հետո 217 մարդ է բերման ենթարկվել անկարգություններ կազմակերպելու համար (ֆոտո)

ՀԵՏԵՎԵՔ ՄԵԶ Telegram-ՈՒՄ

Վաշինգտոնի ոստիկանությունը անկարգությունների 217 մասնակցի է բերման ենթարկել ԱՄՆ նախագահ Դոնալդ Թրամփի երդմնակալության արարողությունից հետո, փոխանցում է The Washington Post-ը:

Այս մասին հայտնել է տեղի ոստիկանապետ Փիթեր Նյուսեմը:

Նա նշել է, որ բողոքի ակցիաների մեծ մասը խաղաղ են ընթացել, սակայն քաղաքի շրջաններից մեկում ցուցարարները մեքենաների և խանութների ապակիներ են կոտրել:

Նրանց նկատմամբ մեղադրանք է առաջադրվել անկարգություններ կազմակերպելու համար:

Ավելի վաղ հաղորդվել է, որ ցուցարարների հետ բախումների ժամանակ ԱՄՆ-ի մայրաքաղաքում 2 ոստիկան վնասվածք է ստացել: Ցուցարարներին ցրելու համար պղպեղի գազ է կիրառվել:




Լրահոս