Իտալիայի տարածքով Ֆրանսիա ուղևորվող երեխաներով լի ավտոբուսը բախվել է էլեկտրասյանն ու այրվել: Դեպքի արդյունքում 16 մարդ է զոհվել, փոխանցում է AFP գործակալությունը:
Զոհվածներից մեկը կարող է լինել ավտոբուսի վարորդը: Եվս 36 մարդ տուժել է: Նրանց հաջողվել է դուրս բերել ավտոբուսից և հիվանդանոց տեղափոխել:
La Repubblica պարբերականի տեղեկություններով` ավտոբուսում 50 մարդ է գտնվել, մեծամասնությունը 14-18 տարեկան երեխաներ:
Դեպքի վայրում փրկարարներ են աշխատում: Ողբերգության հանգամանքները պարզվում են:
.gif)
