ArmLur.am-ի զրուցակիցն է ԱԺ ՀՀԿ խմբակցության պատգամավոր Վարդան Այվազյանը:
– Պարո´ն Այվազյան, Ձեր քաղաքական ապագայի մասով հստակեցում կա՞: Կլինե՞ք օրենսդիրում, թե՞ հնարավոր է գործադիր վերադառնաք:
– Մինչև օրենսդիրի մասին հստակեցումը չլինի, գործադիրի մասին խոսելը զառանցանք է: Այն, որ ես ընտրություններին կմասնակցեմ, միանշանակ է, բայց թե ինչպես, կորոշի կուսակցությունը:
– Եթե վերնախավը որոշի՝ պետք է գնաք թոշակի, լուռ կհամաձայնվե՞ք:
– Ես, որպես քաղաքական գործունեությամբ զբաղվող, կփորձեմ իմ գիտելիքներն ի նպաստ դնել: Ես պետք է այս կուսակցությունով գնամ, թե իրենք ոնց են տեսնում ինձ, կորոշվի:
– Ռեյտինգայինով առաջադրվելու դեպքում թերևս Կոտայքի մարզում կփորձեք, այնտեղ մեծ է Գագիկ Ծառուկյանի ազդեցությունը, գործարար Բարսեղ Բեգլարյանի փեսա Սամվել Սանամյանն է առաջադրվելու: Փողի պայքար է լինելու, պատրաստ եք այդ պայքարի՞ն:
– Ես չեմ գտնում, որ պարոն Ծառուկյանի մարզն է: Նա ունի իր ազդեցությունը, շատ հարգում եմ իրեն, ես էլ ունեմ իմ համակիրները, կփորձեմ, ոչ ոք չպետք է խուսափի պայքարից:
Մանրամասները՝ ArmLur.am-ի տեսանյութում:
Նաիրա Հովհաննիսյան, Հովսեփ Հովսեփյան
.gif)
