Թրամփի հայտարարության ֆոնին Հս. Կորեան բալիստիկ հրթիռ է արձակել

ՀԵՏԵՎԵՔ ՄԵԶ Telegram-ՈՒՄ

Հյուսիսային Կորեան կիրակի ևս մեկ բալիստիկ հրթիռ է արձակել: Այս մասին հայտնում է Reuters գործակալությունը` ընդգծելով, որ սա առաջին նմանատիպ փորձարկումն է ԱՄՆ նախագահի պաշտոնում Դոնալդ Թրամփի ընտրվելուց հետո:

Ըստ Հարավային Կորեայի ռազմական աղբյուրի հաղորդած տվյալների` փորձարկվել է Musudan տեսակի հրթիռը, որը վայրէջք է կատարել Ճապոնական ծովում: Դա միջմայրցամաքային բալիստիկ հրթիռ չի եղել, որը Հյուսիսային Կորեան, ինչպես նախկինում հայտարարել էր, կարող է փորձարկել ցանկացած պահի:

Այս հրթիռի արձակումը հետևել է Դոնալդ Թրամփի հայտարարությանը, որի համաձայն` քաղաքական գործիչը խոստացել էր կոշտ դիրքորոշում բռնել Հս. Կորեայի ռեժիմի նկատմամբ անցյալ տարի անցկացրած միջուկային փորձարկումներից հետո:




Լրահոս