Դեսպան Մելքոնյանի հանդիպումը Կահիրեի նահանգապետի հետ

ՀԵՏԵՎԵՔ ՄԵԶ Telegram-ՈՒՄ

Փետրվարի 21-ին Եգիպտոսում ՀՀ դեսպան Արմեն Մելքոնյանը հանդիպել է Կահիրեի նահանգապետ Ատեֆ Աբդել Համիդին։

Հանդիպման ընթացքում զրուցակիցները քննարկել են երկու բարեկամ երկրների մայրաքաղաքների միջև կապերի և մի շարք ոլորտներում համագործակցության խորացման հեռանկարները։ Երկուստեք ընդգծվել է փոխադարձ այցելությունների իրականացման և համապատասխան իրավապայմանագրային դաշտի ձևավորման անհրաժեշտությունը։

Նահանգապետն ակնածանքով է խոսել Եգիպտոսում և, մասնավորապես, Կահիրեում բնակվող հայերի և նրանց՝ երկրի ու մայրաքաղաքի հասարակական և մշակութային կյանքում ունեցած նշանակալից ներդրման մասին։

Շնորհակալություն հայտնելով ջերմ ընդունելության համար՝ դեսպան Մելքոնյանը բարձր է գնահատել Կահիրեի նահանգապետարանի ուշադրությունը և բարեկամական վերաբերմունքը հայ համայքնի նկատմամբ։




Լրահոս