«Առավոտ»-ը գրում է. «Բազմաթիվ նամակներ ենք գրել կառավարություն, հանդիպում ենք խնդրում վարչապետի հետ, հաշվի չեն առնում: Հատկապես նոր վարչապետը՝ Կարեն Կարապետյանը, ընդհանրապես մեզ բանի տեղ չի դնում»,- ասում են նաիրիտցիները: Նրանք երեկ կրկին կառավարության շենքի մոտ բողոքի ակցիա էին անում: Հետո երթով շարժվեցին դեպի Շենգավիթ վարչական շրջանի դատարան՝ հայցով դիմել են և պահանջում են մասնակի չեղյալ համարել աշխատավարձերի վճարման պայմանագիրը, որը նրանք ճարահատյալ են ստորագրել, որով, ըստ էության, հրաժարվել են ուշացած աշխատավարձերի տույժերի վճարումներից:
Նաիրիտցիները հիմա պահանջում են վճարել այդ տույժի գումարները: Երեկ առաջին դատական նիստն էր, դատավորը հետաքրքրվել է՝ ինչու այն ժամանակ չեն դիմել դատարան, երբ հասկացել էին, որ իրենց իրավունքները խախտվել են: Դե նաիրիտցիներն էլ ոնց կարողացել՝ հասկացրել են դատավորին, որ դատարան էլ են դիմել, ցույցեր էլ են արել, բայց երբ մարդիկ տարիներով աշխատավարձ չին ստանում, երեխաներն էլ սոված էին, ու իրենց ասելով՝ « շանտաժ էին» անում՝ կամ ստորագրում եք, կամ էլ չեք ստանում աշխատավարձը, ստիպված ստորագրել են»:
Ավելի մանրամասն՝ թերթի այսօրվա համարում:
.gif)
