ՖՈՏՈ. Պայթյուն Վանաձոր քաղաքի շենքերից մեկում. ի՞նչն է եղել պատճառը

Այսօր Վանաձոր քաղաքի Տիգրան մեծ 77 շենքի ներսում պայթյուն է տեղի ունեցել:

ArmLur.am-ի Լոռու թղթակիցը տեղից հայտնում է, որ ժամը 19:30-ի սահմաններում 911 ահազանգ է ստացել, որ շենքի շքամուտքում պայթյուն է գրանցվել՝ վնասելով շենքի ապակիները:

Դեպքի վայր են ժամանել մեծ թվով քննիչներ, իրավաբաններ, փորձագետներ, որոնց կանչով դեպքի վայր են ժամանել նաև ՊՆ N զորամասի սակրավորները:

Չնայած սակրավորների կողմից որևէ պայթուցիկ սարք չի հայտնաբերվել, սակայն միանշանակ է, որ տեղի ունեցածը պայթյուն է, որը սակայն ոչ կուտակված գազի հետևանքով է, ոչ էլեկտրալարերի:

Այս պահի դրությամբ շենք մուտքն ու ելքն արգելված է:

Դեպքի արթիվ հարուցվել է քրեական գործ:

Մանրամասները՝ առաջիկայում:

Էդվարդ Արզումանյան
Լոռի