Շտայնմայերը ստանձնել է Գերմանիայի նախագահի պաշտոնը

Ռեյխստագի լիագումար նիստի ժամանակ կայացել է Ֆրանկ Վալտեր Շտայնմայերի երդմնակալության արարողությունը: Նա դարձել է Գերմանիայի 12-րդ նախագահը, փոխանցում է DW-ն:

Քաղաքական գործիչը երդվել է՝ խոստանելով պաշտպանել իր երկրի քաղաքացիների իրավունքներն ու կատարել իր պարտավորությունները: Դրանից հետո նա դիմել է Գերմանիայի օրենսդիր մարմիններին և պատվիրակներին:

Շտայնմայերը հաղթանակ էր տարել փետրվարի 12-ին Դաշնային ժողովում քվեարկության առաջին փուլում: