ՌԴ Պետդումայի նախկին պատգամավոր Դենիս Վորոնենկովի մարդասպանը ռուսական հատուկ ծառայությունների գործակալ է: Այս մասին ուկրաինական «1+1» հեռուստաալիքի եթերում ասել է Ուկրաինային ՆԳ նախարարի խորհրդական Անտոն Գերաշչենկոն:
Նա հաստատել է, որ Վորոնենկովի մարդասպանը 13 ամիս ծառայել է Ուկրաինայի Ազգային գվարդիայում, սակայն չի եղել մարտական գործողությունների մասնակից:
Այժմ իրավապահ մարմինները հետաքննում են Ուկրաինայում նրա գտնվելու պատմությունն ու հարցաքննում նրա նախկին ծառայակիցներին:
Հիշեցնենք, որ նախօրեին Կիևում հրաձգության արդյունքում զոհվել էր ՌԴ Պետդումայի նախկին պատգամավոր Դենիս Վորոնենկովը: Ուկրաինական ոստիկանությունը դիտարկում է պատվերով սպանության վարկածը:
.gif)
