«Անհաջողակ» ճամբարափոխները. ովքեր չեն լինի հաջորդ ԱԺ-ում

ՀԵՏԵՎԵՔ ՄԵԶ Telegram-ՈՒՄ

Քաղաքական գործընթացները հաճախ կուսակցություն փոխելու պատճառ են դառնում, որը ոչ միշտ է հաջողություն բերում կամ բարձունքներ ապահովում: Փաստացի ապացույցն էլ ապրիլի 2-ին տեղի ունեցած խորհրդարանական ընտրություններն էին, որտեղ ճամբարափոխ եղած շատ թեկնածուներ ձախողեցին և հաջորդ ԱԺ-ում չեն լինի: Այսօր կներկայացնենք ԲՀԿ-ից հեռացած, այլ կուսակցությանն անդամակցած «անհաջողակներին»:

Ինչպես հայտնի է՝ 2015 թվականի փետրվարյան հայտնի իրադարձություններից հետո, երբ Գագիկ Ծառուկյանը փակեց քաղաքական էջը, շատերը լքեցին ԲՀԿ-ն՝ փորձելով իրենց տեղը գտնել այլ քաղաքական ուժերում:

Մասնավորապես, Արագած Ախոյանը, Բազմասեր Առաքելյանը, Մուշեղ Պետոյանը և Մարտուն Գրիգորյանը որոշեցին իրենց դրսևորել ՀՀԿ-ում, սակայն այս ընտրություններում նպատակները չիրականացան:

Դեռևս ընտրություններից առաջ շրջանառվում էին տեղեկություններ, թե ԲՀԿ-ից հեռացածների ապագայի հարցը որոշված է, և նրանք կլինեն խորհրդարանում, սակայն վարկանիշային ընտրակարգով իշխող կուսակցությունով առաջադրվելուց հետո նրանց հավաքած ձայները բավարար չեղան խորհրդարան գալու համար:

Հետաքրքիր է, որ հիշյալ թեկնածուները նաև մրցակիցներ են եղել միևնույն ընտրատարածքում.

Թիվ 11 ընտրատարածք (Շիրակի մարզ)

Մուշեղ Պետոյան՝ 8795 ձայն

Մարտուն Գրիգորյան՝ 10.700 ձայն

Այս ընտրատարածքում առավել մեծ թվով ձայներ  և ԱԺ գնալու հնարավորություն ստացել են Արման Սահակյանն ու Ֆելիքս Ցոլակյանը:

Թիվ 7 ընտրատարածք (Արագածոտնի մարզ)

Բազմասեր Առաքելյան՝ 3735 ձայն

Արագած Ախոյան ՝  2442 ձայն

Այս ընտրատարածքից էլ խորհրդարանում կլինի Նաիրի Սահակյանը՝  Արագածոտնի նախկին մարզպետ Սարգիս Սահակյանի եղբայրը:

Չնայած լրատվամիջոցներում տարբեր տեղեկություններ են շրջանառվում Մուշեղ Պետոյանի և Մարտուն Գրիգորյանի ապագայի շուրջ, թե նրանց պաշտոններ են տրվելու, սակայն խորհրդարանում նրանք հաստատ չեն լինի:




Լրահոս