ՏԵՍԱՆՅՈՒԹ. Ովքեր են ԱԺ օրինախախտ պատգամավորները. օրենսդիրների փայլուն վարքը

ՀԵՏԵՎԵՔ ՄԵԶ Telegram-ՈՒՄ

Ապրիլի 13-ին հինգերորդ գումարման խորհրդարանն ավարտեց իր աշխատանքները: Մինչ կորոշվի, թե երբ կսկսի իր աշխատանքները վեցերորդ գումարման խորհրդարանը, փորձենք ամփոփել նախորդի աշխատանքները: «Ժողովուրդ» օրաթերթն այսօր կներկայացնի 5-րդ գումարման խորհրդարանի հետ իր գործունեությունը սկսած Էթիկայի ժամանակավոր հանձնաժողովի գործունեության արդյունքները:

Parliamentmonitoring.am-ի հրապարակած զեկույցն ուսումնասիրելով՝ տեղեկանում ենք, որ տասը նստաշրջանների ընթացքում հանձնաժողովն անցկացրել է 51 նիստ, ստացել է 32 դիմում, որից 17 դիմում վարույթ չի ընդունվել, 5 դիմումի քննություն կարճվել է, իսկ վարույթ ընդունված 1 քննություն՝ կասեցվել: Այս տարիների ընթացքում հանձնաժողովը յոթ անգամ է էթիկայի կանոնների խախտում արձանագրել: Այս որոշումներից երեքը վերաբերել է Առաքել Մովսիսյանին, երկուսը՝ Մհեր Սեդրակյանին, մեկն էլ՝ Սամվել Ալեքսանյանին: Մեկ այլ որոշմամբ էլ էթիկայի կանոնների խախտում է արձնագարվել ուրիշի փոխարեն քվեարկած միանգամից յոթ պատգամավորների՝ Սպարտակ Մելիքյանի, Համլետ Հարությունյանի, Սեյրան Սարոյանի, Առաքել Մովսիսյանի, Կարեն Սարիբեկյանի, Արշակ Մխիթարյանի եւ Բազմասեր Առաքելյանի վերաբերյալ:

Մանրամասները՝  ArmLur.am-ի տեսանյութում:

Նաիրա Հովհաննիսյան




Լրահոս