Արման Թաթոյանը մասնակցել է Վրաստանի Հանրային պաշտպանի հաստատության ստեղծման 20-ամյակին նվիրված միջոցառմանը

Արման Թաթոյանը մասնակցել է Վրաստանի Հանրային պաշտպանի հաստատության ստեղծման 20-ամյակին նվիրված միջոցառմանը

Թբիլիսիում ՀՀ մարդու իրավունքների պաշտպան Արման Թաթոյանը մասնակցել է Վրաստանի Հանրային պաշտպանի հաստատության ստեղծման 20-ամյակին նվիրված միջոցառմանը։
Պաշտպանը հանդես է եկել ելույթով, որով միջոցառմանը ներկա գտնվող բարձրաստիճան մասնակիցներին ներկայացրել է մարդու իրավունքների պաշտպանի հաստատության կայացման հայաստանյան փորձը, օրենսդրական զարգացումները, խոսել է մարդու իրավունքների պաշտպանության ոլորտում առկա մարտահրավերների մասին։

Մասնավորապես, ներկայացրել է «Մարդու իրավունքների պաշտպանի մասին» սահմանադրական օրենքի նոր կարգավորումները, որոնք կոչված են բարձրացնելու Պաշտպանի ինստիտուցիոնալ ազդեցության մակարդակը:
Հատուկ անդրադարձ է կատարվել քաղաքացիական հասարակության և ԶԼՄ-ների ներկայացուցիչների հետ Պաշտպանի համագործակցության փորձին։
Իր խոսքում Արման Թաթոյանը բարձրացրել է կոնֆլիկտային և հետկոնֆլիկտային տարածաշրջաններում մարդու իրավունքների պաշտպանության անհրաժեշտության հարցը։

Վերջում խոսելով Հայաստանի և Վրաստանի Պաշտպանների աշխատակազմերի միջև ընդլայնված համագործակցության փորձի մասին՝ Արման Թաթոյանը կարևորել է մարդու իրավունքների պաշտպանության ոլորտում տարածաշրջանային հարատև համագործակցությունը։
Միջոցառման շրջանակներում Պաշտպանը հանդիպումներ է ունեցել նաև Օմբուդսմանների միջազգային ինստիտուտի գլխավոր քարտուղար Գունտեր Կրաուտեր և Նիդերլանդների արտակարգ և լիազոր դեսպան Յոհաննես Դաումայի հետ։

ՀՀ մարդու իրավունքների պաշտպանի աշխատակազմ