Սիրիայի հարցով ՄԱԿ-ի հատուկ հանձնակատար Ստեֆան դե Միստուրան հայտնել է, որ ապրիլի 15-ին Սիրիայում տեղի ունեցած ահաբեկչական գործողության արդյունքում ավելի քան 130 մարդ է զոհվել, այդ թվում՝ 67 երեխա, փոխանցում է «ՌԻԱ Նովոստի»-ն:
Եվս 200 մարդ տուժել է:
«Պայթյունի արդյունքում, վերջին տվյալներով, ավելի քան 130 մարդ է զոհվել, այդ թվում՝ 67 երեխա, ավելի քան 200-ը վիրավոր է: Դա շոկային նորություն է բոլորիս համար»,-հայտարարել է դե Միստուրան:
Ավելի վաղ ՄԱԿ-ի գլխավոր քարտուղար Անտոնիու Գուտերիշը քննադատել էր Սիրիայի Ռաշիդին շրջանում տեղի ունեցած ահաբեկչությունը: Հաղորդվել է, որ մահապարտը, ով պայթեցրել է ինքն իրեն ավտոբուսի կանգառում, մոտեցել է մեքենային սննդի տրանսպորտի քողի ներքո:
.gif)
