Զինծառայողների ապահովագրության հիմնադրամն օրենսդրությամբ սահմանված կարգով կատարում է զինված ուժերում զոհված զինծառայողների ընտանիքների փոխհատուցումը: Առաջին երկու փոխանցումները կատարվել են մարտի 21-ին՝ պարտադիր ժամկետային զինծառայողներ Գոռ Գարեգինյանի և Անդրանիկ Մուսիկյանի ընտանիքներին:
Հիմնադրամը շահառուների համար բացել է հատուկ բանկային հաշիվներ, որոնց էլ փոխանցվել են միանվագ 10-ական միլիոն դրամ փոխհատուցումները:
Մայիսի 2-ին որոշում է կայացvել սահմանված կարգով կատարել հատուցումներ ևս 5 զինծառայողների ընտանիքների: Պարտադիր զինծառայող, շարքային Արտակ Էդիկի Ռաֆայելյանի, պայմանագրային զինծառայողներ կրտսեր սերժանտ Կարեն Մարատի Ուլուբաբյանի, սերժանտ Արայիկ Իգորի Սարգսյանի, սպայական կազմի մայոր Նվեր Յուրիկի Բաբաջանյանի և փոխգնդապետ Գեղամ Հենրիկի Մանուկյանի ընտանիքներին կփոխանցվի միանվագ 10-ական միլիոն ՀՀ դրամ և 20 տարվա ընթացքում կտրամադրվի ամսական համապատասխանաբար 200 հազար, 250 հազար և 300 հազար դրամ:
Կրտսեր սերժանտ Նարեկ Հմայակի Հարութունյանի և սպայական կազմի ավագ լեյտենանտ Գոռ Գևորգի Հովհաննիսյանի ընտանիքներին ևս կփոխանցի միանվագ 10-ական միլիոն ՀՀ դրամ և 20 տարվա ընթացքում կտրամադրվի ամսական համապատասխանաբար 200 հազար և 300 հազարդրամ:
.gif)
