Վեցերորդ գումարման խորհրդարանի առաջին նիստը դեռ տեղի չունեցած նորընտիր պատգամավորները սկսել էին աշխատասենյակներ ընտրելու աշխատանքները: Սակայն առաջին նիստի երեք օրերը նորընտիր պատգամավորներից շատերն այդպես էլ սենյակներ չունեին և ստիպված էին հյուրընկալվել գործընկերների մոտ կամ բավարարվել ԱԺ միջանցնքներում շրջելով:
ԱԺ աշխատակազմի ղեկավարի նշանակումից հետո այդ հարցը կարգավորվել է: Այժմ բոլորն ունեն իրենց աշխատասենյակները:
Հրայր Թովմասյանը տեղափոխվել է Հովհաննես Սահակյանի աշխատասենյակ, քանի որ այժմ նա ԱԺ պետաիրավական հանձնաժողովի նախագահն է: Նրա նախկին աշխատասենյակը զբաղեցնելու է ԱԺ փոխնախագահ Միքայել Մելքումյանը: ԱԺ աշխատակազմի նորանշանակ ղեկավար Արա Սաղաթելյանին էլ հատկացվել է փակված հանձնաժողովներից մեկի նախագահի աշխատասենյակը:
ՀՀԿ-ական պատգամավոր Հարություն Կարապողոսյանի աշխատասենյակը երկրորդ հարկում է և որքան էլ զարմանալի է ՀՅԴ խմբակցության կողքին:
ՀՀԿ-ական պատգամավոր Սամվել Ալեքսանյանն առաջիններից էր, ով նոր աշխատասենյակ ունեցավ: Այս սենյակը նախկինում զբաղեցնում էր Առաքել Մովսիսյանը:
ՀՀԿ-ական պատգամավոր Սամվել Նիկոյանի աշխատասենյակը ևս փոխվել է: Նա նոր մասնաշենքից տեղափոխվել է հին մասնաշենք և հանգրվանել է ՀՎԿ-ական Հեղինե Բիշարյանի աշխատասենյակում: Հիշեցնենք, որ նրա նախկին սենյակը գտնվում էր նոր մասնաշենքի առաջին հարկում:
Իսկ «Ծառուկյան» դաշինքի պատգամավոր Վարդան Ղուկասյանը կրկին հին մասնաշենքում է հանգրվանել և ոչ ավել ոչ պակաս գեներալ-պատգամավորներ Սեյրան Սարոյանի և Մանվել Գրիգորյանի հարևանությամբ:
Իսկ ահա ԱԺ նախկին նախագահ Գալուստ Սահակայնը տեղափոխվել է նոր մասնաշենք:
.gif)
