Այսօր լրագրողների հետ զրույցում ՀՀ բնապահպանության նախարարի պաշտոնակատար Արծվիկ Մինասյանը մանրամասներ ներկայացրեց Կառավարության ծրագրից: Նրա խոսքով, այս անգամ կառավարության ծրագիրը երկարաժամկետ է լինելու և ավելի համարձակ թիրախներ են դրվելու:
Մինասյանի փոխանցմամբ` ծրագրի հիմնական ուղղվածության և թիրախների համար հիմք է դառնալու Սերժ Սարգսյանի՝ Ազգային ժողովում հնչեցրած ուղերձը:
«Այն հիմնական խնդիրները, որ այս կառավարությունը դրել էր նախորդ ժամանակահատվածում, դրանց միջանկյալ արդյունքների ամփոփում կլինի, ապա դրանից հետո կարելի է խոսել մարտահրավերների և նոր նախաձեռնությունների մասին»,- հավելեց նա:
Արծվիկ Մինասյանը վստահեցրեց, որ եթե բարեփոխումները շարունակվեն և ավելի խորքային լինեն, ապա հասարակությունն այդ արդյունքները կզգա իր մաշկի վրա և ինչ-որ չափով կդառնա դրանց մասնակիցը:
.gif)
