Մայիսի 24-ին ԻԻՀ-ում ՀՀ դեսպան Արտաշես Թումանյանը հանդիպեց Իրանի Մեջլիսի էներգետիկայի հանձնաժողովի նախագահ Ֆերեյդուն Հասանվանդի և հանձնաժողովի անդամների հետ:
Հանդիպման ընթացքում կողմերը քննարկեցին երկկողմ էներգետիկ ծրագրերը և համագործակցության հնարավորությունները՝ անդրադառնալով բազմակողմ համագործակցության նախագծերին:
Նույն օրը դեսպան Թումանյանը հանդիպում ունեցավ նաև Իրանի Մեջլիսի գյուղատնտեսության, ջրի և բնական պաշարների հանձնաժողովի նախագահ Ալի Մոհամմադ Շաերիի և հանձնաժողովի անդամների հետ:
Հանդիպման ընթացքում դեսպան Թումանյանը, ընդգծելով գյուղատնտեսության ոլորտում Հայաստան-Իրան համագործակցության մեծ ներուժի առկայությունը, կարևորեց Հայաստանում համատեղ գյուղատնտեսական և գյուղմթերքների վերամշակման արտադրությունների հիմնումը և ԵԱՏՄ երկրների հետ համագործակցության հնարավորությունները:
Քննարկվեցին նաև խորհրդարանական խմբերի փոխայցելությունների կազմակերպման, խորհրդարանական համագործակցության ակտիվացման խնդիրները:
.gif)
