Սահմանում իրադրությունը համեմատաբար կայուուն է, եւ որեւէ արտառոց դեպք չի գրանցվել: Այս մասին ArmLur.am-ի հետ զրույցում նշեց ԼՂՀ նախագահի մամուլի քարտուղար Դավիթ Բաբայանը:
«Ցանկացած պահի կարող է պատերազմի վերսկսում լինել, բայց չեմ կարծում, որ հավանականությունը մեծ է, իհարկե հակառակորդը շարունակելու է սադրիչ գործողությունների դիմել»,- ասաց նա:
Դավիթ Բաբայանի խոսքով՝ որոշ քաղաքագետներ, փորձագետներ կուլ են տվել Ադրբեջանի խայծը՝ մտածելով, որ կարող է լինել լոկալ ինչ-որ փոքրածավալ պատերազմ:
«Ադրբերջանը եթե պատերազմ սկսի, ապա դա կլինի սրընթաց եւ նպատակաուղղված Արցախի հանրապետության կործանմանը: Ինչու՞, որովհետեւ պատրաստում է հասարակությանը երկարատեւ, արյունարբու պատերազմի, իսկ այսպիսի պատերազմ Ադրբեջանն ի վիճակի չէ իրականացնել նույնիսկ 22 տարի պատրաստվելուց հետո, հետեւաբար շարունակվելու են սադրանքներն ու զինադադարին խախտումները»,- նկատեց Դավիթ Բաբայանը:
Լիդա Եղիազարյան
.gif)
