«Եվրոպական միության էներգաարդյունավետության օրեր Հայաստանում» խորագրով նախաձեռնության շրջանակում Երևանում հանրային տրանսպորտի երկու կանգառներում տեղադրվել են արևային վահանակներ: Արևային կանգառները գտնվում են Բաղրամյան և Մոսկովյան փողոցներում: Այստեղ կարելի է լիցքավորել բջջային հեռախոսները, պլանշետները և այլ տեխնիկա:
Այսօր ԵՄ դեսպան Պյոտր Սվիտալսկին փորձարկեց Մոսկովյան փողոցի կանգառներից մեկում գտնվող արևային վահանակը: Դեսպանի խոսքով՝ կանգառը կարող ենք անվանել «Եվրամիության արևային կանգառ»:
Նրա խոսքով, վահանակները տեղադրվել են վերականգնող, արևային էներգիայի օգտագործումը խթանելու համար: վահանակները կանգառներում կմնան 1 տարի, որից հետո կփոխանցվեն դրա կարիքն ունեցող հաստատություններին՝ կրթական և այլ: Օրական այն կարող է լիցքավորել մինչև 24 հեռախոս:
.gif)
