Ավան և Նոր Նորք վարչական շրջանների ընդհանուր իրավասության առաջին ատյանի դատարանում այսօր շարունակվում է ՊՊԾ գունդը զավթելու մեջ մեղադրվողներից 18-ի քրեական գործի քննությունը, որի նախագահող դատավորն Արտուշ Գաբրիելյանն է:
Դատարանը, հակառակ ամբաստանյալներ Թորոս Թորոսյանի, Տիգրան Սարգսյանի և Թաթուլ Թամրազյանի ցանկության, կներգրավվի հանրային պաշտպաններ:
Դատական նիստին ներկա էին ամբաստանյալներից երկուսը՝ Արամ Մանուկյանն ու Հովհաննես Հարությունյանը, քանի որ մյուսների նկատմամբ դատական սանկցիա էր կիրառվել՝ դատարանի նկատմամբ անհարգալից վերաբերմունք ցուցաբերելու համար:
Պաշտպան Երվանդ Վարոսյանը միջնորդեց դատական նիստերի դահլիճ բերել ամբաստանյալներին, այլապես ինքը լիազորված չէ նրանց բացակայության պայմաններում ներկա գտնվել նիստին:
Դատարանը բավարարեց միջնորդությունը, հայտարարեց մեկ ժամ ընդմիջում, ինչից հետո 16 ամբաստանյալները կբերվեն դատարան:
.gif)
