Ոստիկանությունը ուժեղացված ծառայություն է սահմանել ՀՀ տարբեր քաղաքներ մտնող բոլոր ավտոճանապարհների վրա: Ուժեղացված ծառայությունը կապված է երեկ՝ օգոստոսի 1-ին, եզդիաբնակ Շամիրամ գյուղում անհայտ անձի կողմից գերեզմանատան մոտ գտնվող սգո սրահում կրակոցներ արձակելու դեպքի հետ, որի ընթացքում 3 մարդ տեղում զոհվել էր, 8-ը՝ վիրավորվել: Ավելի ուշ տուժածներից մեկը վիրահատության ժամանակ մահացել էր:
Ոստիկանության փոխանցմամբ՝ ձեռնարկված օպերատիվ-հետախուզական և քննչական համատեղ միջոցառումներով պարզվել է Շամիրամ գյուղում կատարված հանցագործության մեջ կասկածվողի ինքնությունը՝ Արամվիրի մարզի Մյասնիկյան գյուղի բնակիչ, 1967 թվականին ծնված Թելման Քալաշյան:
Իրականացվում են միջոցառումներ նրան հայտնաբերելու ուղղությամբ:
Նշանակվել են մի շարք փորձաքննություններ:
Կատարվում է նախաքննություն:
Էդվարդ Արզումանյան
Լոռի
.gif)
